Lengua Guaraní

Opavave ñe’ê niko ñanepytyvô ikatu haguâicha ñamombe’u ñane remiandu, ñane remimo’â, ñaikotevêva, ñanembovy’áva, ñambyasýva ha opa mba’e. Upévare, oñepytyvôva’erâ temimbo’ekuéra ikatu haguâicha oipuru hikuái iñe’ênguéra hekopete, avei ohekombo’e porâ haguâ opavave hemimbo’ekuérape.

Ojekuaa niko ñande Léi Guasúpe he’iha ñane retâ iñe’êkôiha (castellano ha guaraní), avei ndaopavavéi ñane remimbo’ekuéra oipuruha peteî ñe’ê añónte, avei oîhína umi ikatupyryvevahína peteî ñe’ê jepuru añómente; upévare oñepyrû guive ha’ekuéra oñemoarandu mbo’ehaópe, oñehekombo’eva’erâ ichupekuéra upe iñe’êteépe. Upéicha niko, jaguereko temimbo’e oñe’êvavoi guaraníme imitâite guive, upévare ojehekombo’e ichupekuéra iñe’êteépe há péicha ohóva’erâ oñehekombo’e aja pukukue opapeve kóva.

Oñemba’apóramo temimbo’ekuéra ndive péicha, ikatúta ha’ekuéra oñemoarandu ha upekuévo, omongakuaa ha omombaretevéta ohóvo hemiandu opavavéva tapicha rehe ha hetâ Paraguáire avei.

Ojesarekohápe ko’â mba’ére, Ministerio de Educación y Ciencias, ojepy’apývo umi temimbo’ekuéra oguerekóva guarani iñe’êteéramo ha umi oguerekóva iñe’êjoapýramo rehe avei, ko’ága oñemombarete añetéta temimbo’e Técnico Superior reheguápe Guarani Ñe’ê ha Iñe’êporãhaipyre kuaapykuéra.

Ñahekombo’étavo temimbo’ekuéra guarani ñe’ême; iporâva’erâ ñañeporandu ñepyrûhaitépe: ma’erâpa ñambo’éta chupekuéra ko ñe’ê, mba’épa jahechakuaava’erâ jaiporavo haguâ mbo’epyrânguéra, mba’éichapa ñambo’eva’erâ ikatupyryve haguâ hikuái ha pe ñambo’eháicha jepivoípa oipytyvône temimbo’ekuéra oñemoarandu ha oporombo’e haguâ hikuái opaite oikoha rupi.

Upéicha avei, temimbo’ekuéra ohesa’ÿijo mbarete pypukuva’erã, Guarani Ñe’ê retepy rehegua, upéva he’ise, há’ekuéra oikuaava’erâha mba’éichapa guarani ñe’ê retepy oñemohenda hekopete, ndaha’eiha castellano oñemohendahaichahína.

Ojehechakuaaháicha, oñekombo’évo ichupekuéra péicha, ha’ekuéra voi oñeha’âmbaiteta ombojera kuaapy iñe’ê rehegua, ikatu haguâicha ohendu, oñe’ê, omoñe’ê ha ohaikuaa hekopete ha oikotevêhaichaite pe oikoha rupi ha upekuévo ohesa’ÿijo ohóvo mba’éichapa oñemohenda ko ñe’ê retepy.